Almatyda Májilis depýtaty Vakıl Nabıev K. Qojamıarova atyndaǵy Memlekettik Respýblıkalyq Akademıalyq Uıǵyr mýzykalyq komedıa teatrynyń basshylyǵymen jáne shyǵarmashylyq ujymymen kezdesý ótkizdi. Bul týraly Almaty qalasy "Qoǵamdyq kelisim" mekemesiniń baspasóz qyzmeti habarlady.

Kezdesý barysynda májilismen aldaǵy referendýmnyń ótkiziletini týraly túsindirdi. Konstıtýsıalyq reformalar, jalpy daýys berý arqyly engiziletin jáne qabyldanatyn túzetýlerdiń máni týraly egjeı-tegjeıli aıtyp berdi.​

– Qazaqstan Respýblıkasynyń Prezıdenti Qasym-Jomart Toqaevtyń "konstıtýsıalyq túzetýler jobasy boıynsha azamattardyń jalpy daýys berýi bizdiń demokratıalyq qaǵıdattarǵa berik ustanymymyzdy kórsetedi. Aldaǵy referendým árbir azamattyń Qazaqstannyń bolashaǵyn aıqyndaıtyn tarıhı oqıǵaǵa tikeleı qatysýyna múmkindik beredi, dedi Vakıl Nabıev óz sózinde.

Jıynda shyǵarmashylyq zıaly qaýym ókilderi ózderin tolǵandyrǵan suraqtaryn qoıyp, Almaty qalasynyń mádenıetin damytý úshin óz ıdeıalaryn usyna aldy.

Kezdesý sońynda teatr boıynsha ekskýrsıa ótkizildi, onyń barysynda qonaqtar mekemeniń jumys prosesimen egjeı-tegjeıli tanysty. Q.Qojamıarov atyndaǵy uıǵyr mýzykalyq komedıa teatry dırektorynyń mindetin atqarýshy QR Eńbek sińirgen qaıratkeri Dilmurat Baharov jáne QazKSR eńbek sińirgen ártisi, uıǵyr teatrynyń kórkemdik jetekshisi Murat Ahmadıev konstıtýsıalyq reformalardy jáne mádenıet salasyn odan ári damytý máselelerin talqylaýda belsendi sóz sóıledi.